SAITH
gan Swci Delic
01.03.19 – 13.04.19

Mae SAITH yn rif sanctaidd mewn sawl cred a chrefydd – yn symbol o lwc dda.

Mae hefyd yn riif lwcus i’r artist, Swci Delic. Pan gafodd ei tharo gan diwmor yr ymennydd yn 2010 y prognosis oedd y byddai’n byw am dwy flynedd (efallai).

Eleni yw’r seithfed flwyddyn heibio’r prognosis yna – dyma arddangosfa sydd yn dathlu hyn.

Arddangosfa arbennig ar ffurf canfysau a cherfluniau yn ogystal a ffilm sy’n rhoi cipolwg unigryw i gyflwr ymennydd sy’n byw gyda ac yn brwydro cancr saith diwrnod o’r wythnos. Y canlyniad yw casgliad o waith sy'n feiddgar, seicadelig, cyfoes, yn hwyl ac yn fwy na bywyd.

swcidelic.com

Nesa yn y Safle Celf...

Anti Beta
gan Gweni Llwyd
14.04.19 – 28.04.19

Wedi ei magu yn Nyffryn Nantlle, graddiodd Gweni Llwyd o Ysgol Gelf a Dylunio Caerdydd yn 2017 ac mae hi wedi arddangos ledled Cymru ac Ewrop. Enillodd Ysgoloriaeth ArtistIfanc  Eisteddfod Genedlaethol Caerdydd 2018 gyda'i delweddau unigryw, cryf, hynod hypnotig. 

Mae hi’n ymdrin â chynhyrchu fideo fel gludwaith, gan geisio dosbarthu a churadu arteffactau digidol er mwyn creu naratifau haniaethol.

Môr o Baned
gan Twinkle and Gloom
25.03.19 – 05.05.19

Lowri Mair yw’r artist tu ôl i ‘Twinkle and Gloom’ sef ddathliad o fenyweidd-dra, pŵer merched a mynegiant o rwystredigaeth a swildod. Mae gwaith Lowri yn ymwneud â chwarae â disgwyliadau, troelli traddodiad, cofleidio iaith ifanc a mynegi syniadau trwy ddelweddau o dafodiaith. Gall y byd fod yn lle tywyll, gall yr hil ddynol fod yn rhwystredig. Mae Lowri yn ddweud “ni fydd fy nghelf yn newid y byd, ond rwy'n gobeithio y gall roi rhyddhad am eiliad drwy godi gwên.” Mae'r gwaith celf sydd i'w weld yn yr arddangosfa hon yn dathlu merched cryf a benyweidd-dra mewn gwahanol ffurfiau, gan gynnwys steil unigryw ar ein Merch Gymreig Draddodiadol.