Archif Safle Celf
Dyma archif o arddangosfeydd sydd wedi bod yma’n Galeri:
SAFLE CELF: Hir yw'r Nos, ac Oer yw'r Hin i Aros
Lizzie Hughes
03/08/24 – 21/09/24
Man cychwyn y gwaith yn yr arddangosfa oedd cyfnod preswyl yr artist yn Hill End, New South Wales, Awstralia. Hen dref fwyngloddio aur yw Hill End gydag agweddau o’r dirwedd yn debyg i fwyngloddiau copr Mynydd Parys ar Ynys Môn ger lle magwyd yr arlunydd. Mae offer mwyngloddio sydd wedi darfod ers amser maith yn dal i fod yn eu lle ac mae ymwelwyr â'r dref sydd bellach yn ysgerbydol a ffynnodd yn ystod rhuthr aur 1850, yn cael eu rhybuddio am dir peryglus, yn frith o siafftiau mwyngloddiau. Diffyg mater sy'n diffinio Hill End. Mae’n amhosib mynd am dro gyda’r nos heb sbecian i lawr tyllau ac edrych yn hiraethus ar y ddaear mewn gobaith am glint o aur ers talwm. Mae'r gwaith yn yr arddangosfa hon yn archwilio absenoldeb yn yr un modd. Mae fframweithiau cain a wneir o bren, arian a phres yn ceisio diffinio'r gofod sydd ganddynt, tra mewn gweithiau eraill mae trin deunyddiau'n gynnil gan gynnwys metelau gwerthfawr yn awgrymu ymarferoldeb.
DERBYNFA: Arddangosfa Balchder GISDA
26/06/24 - 27/07/24
Beth mae Balchder yn olygu i chi?
Yn brotest, yn barti ac yn ddathliad, mae Gŵyl Balchder yn achlysur aruthrol i'r gymuned LDHT+. Am y tro cyntaf eleni, bydd Caernarfon yn dathlu ei ŵyl Balchder ei hun, wedi'i drefnu gan GISDA. Mae'r gosodiad celf yma yn ymateb gan bobl ifanc project LDHT+ GISDA i'r cwestiwn 'Beth mae Balchder yn golygu i chi?' Yn bersonol, yn wleidyddol, neu yn hwylus; mae'r gosodiad yn dangos amrediad beth mae Balchder yn golygu i'r gymuned.
GISDA:
Mae GISDA yn elusen sy’n darparu llety, cefnogaeth a chyfleoedd i bobl ifanc 16-25 digartref a/neu fregus yng Ngwynedd i’w galluogi i symud o gefnogaeth i annibyniaeth. Ein gweledigaeth yw bod bob person ifanc yng Ngwynedd yn gallu byw bywydau diogel a hapus yn rhydd o anfantais ac annhegwch.
Sefydlwyd GISDA yn 1985 er mwyn cynnig lloches a chefnogaeth i bobl ifanc digartref Arfon. Ers hynny mae GISDA wedi datblygu ac yn cynnig llety a gwasanaeth ar draws Gwynedd gyda hybiau penodol yng Nghaernarfon, Blaenau Ffestiniog a Phwllheli.
Clwb LDHT+ GISDA:
Wedi'i ariannu gan Gronfa Gymunedol y Loteri Genedlaethol, mae ein Prosiect Ieuenctid LHDT+ yn cynnig cefnogaeth i bobl ifanc sy'n uniaethu fel LHDT+( Lesbiaidd, Hoyw, Deurywiol, a Thraws)
Drwy gynnig man diogel iddynt fynegi eu hunain a ffurfio cysylltiadau, mae ein prosiect LHDTC+ yn grymuso pobl ifanc i ymfalchïo yn eu hunaniaeth. Drwy ddulliau addysgol mae’r prosiect yn hyrwyddo dealltwriaeth a chynhwysiad o fewn cymunedau ehangach.
Balchder:
Mae GISDA yn falch iawn i fod yn trefnu dathliad Balchder yng Nghaernarfon eleni. Ar 29 o Fehefin, bydd gorymdaith drwy Gaernarfon yn ogystal â siaradwyr, digwyddiadau ac adloniant. Mae croeso i bawb yn ein dathliad o gynhwysiant, amrywiaeth a chymuned. Mae'r ŵyl hefyd yn bodoli i godi ymwybyddiaeth o'r heriau y mae pobl ifanc LHDTC+ yn eu hwynebu, a hyrwyddo cefnogaeth a derbyniad.
Safle Celf: MEXICO
Anna Higson a Chris Higson
01/06/24 - 27/07/24
Arddangosfa yn archwilio paentio a ffotograffiaeth
Mae 'Mexico' yn arddangosfa o wiethiau celf diweddaraf o’n prosiect parhaus. Yn dilyn taith ymchwil diweddaraf i Fecsico yn 2023, mae’r ddau artist wedi creu gwaith a ysbrydolwyd gan rhai agweddau craidd niferus y wlad amrywiol a diwylliannol bwysig. Gan ganolbwyntio ar gymuned, bwyd a chrefydd drwy ddefnydd baent, ffotograffiaeth a chyfryngau cymysg
Y Wal: New Drawings and Paintings by Bill Kneale
01/05/24 - 08/07/24
Rwy'n ymwybodol o sut mae cartrefi rydyn ni'n eu caru yn rhai dros dro. Daw tai a bythynnod yn rhan o'u cefndir, yn enwedig pan fo deunyddiau lleol wedi'u defnyddio. Mae'r adeilad a'r lleoliad yn amodol ar y dirwedd a'r tywydd cyffredinol. Mae pob paentiad yn deillio o fraslunio a ffotograffau ar y safle, yna mae taith yn datblygu i fod yn ddatganiad acrylig.
www.conwyart.com
bill_kneale@hotmail.com
Oriel Caffi: Loz Anne
Ionawr – Ebrill
Arddangosfa o baentiadau a darluniau cyfrwng cymysg blodeuog a haniaethol gan yr artist Loz Anne.
Ar Y Ffram: HOMEVIDEO | VIDEOHOME
30/04/23 – 15/07/24
Mae Jenny Alderton yn artist rhyngddisgyblaethol o Gymru, yn gweithio gyda symud, fideo, a gosodiadau.
Mae VHS yn ddeunydd a grëwyd i ddal, cadw ac ailchwarae eiliadau. Mae'n ymddangos yn ddarfodedig erbyn hyn, ond er hynny mae olion straeon ac atgofion yn dal i gael eu cadw arnynt. Mae “HOMEVIDEO | VIDEOHOME” yn gwahodd myfyrdod ar annibynadwyedd cof. Mae cyfryngau recordio fel VHS yn agored i ddiraddio, colled neu ddarfodiad technolegol. Mae ein hatgofion ein hunain yr un mor fregus, gan eu bod yn hydrin ac yn destun addasiadau anymwybodol. Dros amser mae ein hatgofion yn newid. Felly, mae pob eiliad a brofir yn unigryw, ac ni all unrhyw gof na recordiad ei ail-fyw'n llwyr nac adrodd y manylion yn ddibynadwy am gyfnod amhenodol.
www.eloquentscream.com
www.instagram.com/eloquentscream
Safle Celf: CYSWLLT
27/04/24 - 25/05/24
Coleg Menai: Gradd Sylfaen Celf a Dylunio
Mae’r deg myfyrwyr Celf a Dylunio wedi datblygu gwaith gan ddefnyddio ardal Arfon fel ffynhonnell oysbrydoliaeth ac wedi defnyddio ei hanes a’i diwylliant fel sylfaen i adeiladu eu gwaith celf arno.
Mia Roberts
02/03/24 - 20/04/24
Fe Wnes i Gaer Sment yn yr Iard Gefn
Mae arfer Mia yn ymwneud â sut mae profiad o hunaniaeth Draws mewn ardaloedd gwledig yn effeithio ar arfer hunangofiannol.
Mae themâu’n ymwneud â rhywioldeb, mynegiant rhywedd, cam-drin, caethiwed, iselder, llawenydd, teulu, hunaniaethau cymdeithasol lleol (unigol, personol a chyfunol), hunanladdiad a cholled.
Mae'n ymchwilio i natur groestoriadol o sut gall hunaniaeth yr hunan, a hunaniaeth y grŵp effeithio ar brofiad personol
Ar Y Ffram / Y Wal / Derbynfa
Hooked: Ella Louise Jones
Ionawr/January – Ebrill/April
Mae Ella Jones, artist o Gymru, yn arbenigo mewn creu gweithiau celf ryngweithiol sy’n archwilio cymhlethdodau canfyddiad cyffyrddol, gan wahaniaethu rhwng gweadau a siapiau. Mae ei gweithgareddau artistig yn canolbwyntio ar feithrin sgyrsiau ystyrlon, dysgu sgiliau newydd, a saernïo celf ryngweithiol, gynhwysol ar gyfer prosiectau ac arddangosfeydd a gomisiynir. Themâu chwarae, chwilfrydedd, cynaladwyedd, a chysylltiad dwys â diwylliant Cymru yw craidd ei mynegiant artistig.
Safle Celf / Safle Creu / Y Wal / Derbynfa: AGORED 2023
02/12/23 - 27/01/24
Mae’r arddangosfa Agored yn cynnwys dros 60 o weithiau celf gan artistiaid ardraws Gymru a’r DU. Mae'r arddangosfa'n dathlu ystod eang o beintio, lluniadu, print, ffotograffiaeth, tecstilau, cerflunwaith a ffilm.
Ymhlith y beirniaid eleni roedd yr artistiaid Paul Eastwood a Llinos Owen, Cyfarwyddwr Creadigol Galeri Naomi Saunders a Chydlynydd Celf Galeri Ffion Evans.
Gwobr y beirniaid £1000 – Sioned Mason Smith
Canmoliaeth Uchel £400 – Megan Glyn
Gwobr Dewis y Bobl £250 – Dewch i Galeri Caernarfon i bleidleisio dros eich hoff waith celf
Ar y Ffram: Ffiws
Hannah Walters & Lucy Smith
Hydref 2023 – Ionawr 2024
Mae Ffiws yn gydweithrediad rhwng y seramegydd Hannah Walters a’r awdur Lucy Smith. Dros y 7 mis diwethaf, maen nhw wedi bod yn archwilio’r cysylltiadau rhwng ffyngau a hunaniaethau queer, gan gyfuno eu harferion a chwarae gyda ffurfiau, geiriau, gweadau ac ystyron. Mae ganddynt ddiddordeb yn y ffordd y mae syniadau queer yn cysylltu â symudiadau a ffurfiau myseliwm, sborau a chyrff hadol sy'n byrlymu - yn newidiol, yn drawsnewidiol ac yn herio ffiniau.
Safle Celf: Hollti a rhwymo / Cleave
Lesley James
21/10/23 - 25/11/23
Mae Lesley James yn byw ac yn gweithio yng Ngogledd Cymru. Mae ganddi ddiddordeb mewn olion arwyneb, ffurf, ac yn y rhwystrau ffisegol ac anweledig rydyn ni'n eu creu.
‘Rwy’n gweld tirwedd y chwarel yn hynod ddiddorol, yn ganlyniad gweladwy o ddinistrio a chreu. Mae’r gwaith yn archwilio llaw’r artist gan ddilyn dwylo gweithwyr y chwarel lechi, gan greu rhwbiadau dwy ochr o wynebau creigiau, waliau, toeau ac offer a ddefnyddir yn y diwydiant llechi.’
Gwrando
Veronica Calarco
Astudiodd Dr Veronica Calarco, ‘printmaking’ ym Mhrifysgol Genedlaethol Awstralia ac mae ganddi Doethuriaeth mewn ‘printmaking’ o Brifysgol Aberystwyth. Mae hi’n gyfarwyddwr ‘Aberystwyth Printmakers’ ac yn sylfaenydd Stiwdio Maelor, rhaglen breswyl i artistiaid yng Nghorris, sydd â’i stiwdio argraffu ei hun. Mae wedi dychwelyd yn ddiweddar o gyfnod preswyl lithograffeg 3 mis yn Umbrella Studios yng Ngogledd Queensland ac mae wedi bod yn artist arweiniol ar y prosiect Molla Wariga / Gwrando Dwfn, gan weithio gydag artistiaid o Gymru, Iwerddon ac Awstralia fel rhan o brosiect Gwrando Cyngor Celfyddydau Cymru. Datblygwyd y printiau hyn yn ystod y cyfnod preswyl yn Umbrella Studios mewn ymateb i brosiect Gwrando. Mae 900 o fasgedi wedi bod yn datblygu dros y 12 mlynedd diwethaf ac wedi'u gwneud o brintiau wedi'u gwrthod gan wneuthurwyr print ledled y byd a llinynnau wedi'u darganfod.
@900 baskets
@veronica.calarco
@welivewiththeland
@stiwdiomaelor
DERBYNFA & Y WAL:
Agora
Treftadaeth Cymru, defod a’r tir
Dehongliadau creadigol o dreftadaeth, llên gwerin, iaith, a thirweddau Cymru - o goedwigoedd hynafol, copaon mynyddoedd, i diroedd tanddwr. Wedi’i wreiddio mewn cynaliadwyedd, archwilio chwareus, ac awydd i feithrin ein cysylltiad personol a diwylliannol â Chymru.
Mae Agora yn arddangos gwaith newydd gan amrywiaeth o artistiaid cyfoes, ynghyd â dogfennu gwaith cydweithredol diweddar a wnaed ar leoliad yn safleoedd treftadaeth Cadw.
Abi Hubbard, Beth Greenhalgh, Catrin Davies, Catrin Menai, Clare Parry Jones, Dan Johnson, Dominique Fester, Ffion Reynolds, Georgia Ruth, Gwenno, Jen Abell, Lewis Prosser, Manon Awst, Peter Evans, Sarah Boulton, Sean Vicary, Teddy Hunter, Tess Wood.
ORIEL CAFFI
Lle Mae'r Goleuni
Alla Chakir a Roman Nedopaka
Alla Chakir a Roman Nedopaka, teulu o artistiaid o Wcrain. Ers i’r rhyfel ddechrau yn eu mamwlad, maent wedi dod o hyd i loches, cefnogaeth, cyfeillgarwch a chariad yma yng Ngogledd Cymru, ond mae eu heneidiau am byth gyda Wcráin a llais eu calon yn galw adref…lle mae’r goleuni.
Ar y Ffram
Bri / Essence / Brí
Gorffennaf – Hydref 2023
Bri: Natur gynhenid neu ansawdd anhepgor rhywbeth
Essence: The intrinsic nature or indispensable quality of something
Brí: Nádúr intreach nó cáilíocht fíor-riachtanach do rud éigin
Gan bontio'r bwlch rhwng Celfyddyd Gain a Ffasiwn, mae Ríon Hannora yn creu celf gwisgadwy. Gydag amnaid i'r cyfnod baróc a graffiti trefol mae cyfosodiad yn aml trwy gydol ei chasgliadau. Mae’r weithred o gydweithio hefyd i’w chael yn aml yn ei gwaith ac nid yw’r arddangosyn hwn yn eithriad i hynny. Roedd dod â gwledydd cyfagos ynghyd drwy’r cyfuniad hwn o ffasiwn a chelfyddyd gain yn nod o’r cychwyn cyntaf ac felly, estynnodd Ríon allan at dri artist Cymreig a dau artist Gwyddelig i gydweithio ar y prosiect hwn; Ffion Evans, Aisling Phelan, Morgan Dowdell, Osian Efnisien ac Amelia Greham. Rhoddwyd dilledyn yr un i Evans, Phelan, Dowdell ac Efnisien, a wnaed gan Ríon yn ei stiwdio yn Nulyn i archwilio eu hymarfer eu hunain trwy ddefnyddio dillad. Rhoddwyd ychydig dros fis i bob artist wneud y cynfas gwag hwn o ddilledyn, yn rhywbeth arall yn gyfan gwbl. Trwy'r amser, creodd Amelia Greham y modelau lle mae'r dillad hyn yn cael eu harddangos.
SAFLE CELF
Cymdeithas Brydeinig Enamelwyr:
Nod ein cymdeithas yw hyrwyddo rhagoriaeth yng ngwaith enamel Prydeinig a gwaith enamelwyr proffesiynol sydd yn gweithio yn y wlad yma a thramor. Mae gan y gymdeithas aelodaeth eang, yn cynwys lefelau o allu o fyfyrwyr hyd at lefel proffesiynol. Wedi ei lleoli yn y D.U.mae gan y BSOE gysylltiadau rhyngwladol ac mae’n cynnig cyfleon arddangos, ysgoloriaethau, galeri ar lein, discownt gyda cwmnia, gweithdai a gweithgareddau ar gyfer yr aelodau. Ein nod yw hyrwyddo’r safonnau ychaf mewn dylunio cyfoes a gwneuthuriaeth ym mhob agwedd o’r gyfrwng unigol yma. EIN NOD YW CYSYLLTU, YSBRYDOLI A CHEFNOGI’R GYMDIETHAS ENAMEL BROFFESIYNOL.
Y WAL
Porth Annwn
Stephen Green
Rwy'n ystyried arlunio fel ffordd o weithio allan, deall a gwireddu syniadau yn weledol.
Haniaethol yw fy ngwaith yn bennaf; ei fwriad yw cynrychioli fy meddyliau a'm syniadau. I'r perwyl hwnnw, rwy'n gweithio gyda chonfensiynau ffurfiol o luniadu, gan wireddu'r syniad trwy amrywiadau.
Ar hyn o bryd fy syniadau yw dehongliadau o chwedlau Cymreig: y Mabinogion. Yn benodol straeon lle mae'r prif gymeriadau'n teithio i fyd cyfochrog (Annwn).
Bwriad y delweddau yn yr arddangosfa hon yw awgrymu bylchau yn realiti ein byd lle mae modd teithio i fyd arall, cyfochrog.
DERBYNFA / ORIEL CAFFI
Roedd Prosiectau Llwybrau Celf yn canolbwyntio ar brofiadau celf o ansawdd uchel i bobl ifanc Gwynedd ac Ynys Môn, i ddatblygu eu sgiliau artistig ac i roi mewnwelediad dyfnach i ddiwylliant a chyfleoedd creadigol yng Nghymru. Diolch i Cyngor Celfyddydau Cymru am ariannu’r prosiect.
SAFLE CREU
Gofod Anadlu
Alec Shepley
Mae aer yn anweledig i raddau helaeth ac eto'n rhan annatod o'n bodolaeth. Mae'n symud yn rhydd ar draws ffiniau a thrwy gyrff, gan wrthsefyll ein hymdrechion i'w ddiffinio a'i gynnwys. Mae aer a amlygwyd gan y pandemig coronafirws yn ofod agos a rennir sy'n ein gwneud yn agored i haint.
Mae'r aer a anadlwn yn ofod cyffredin ac yn locws ar gyfer fy chwilfrydedd a'm chwarae yn y preswyliad hwn, gan ei fod yn ymwneud â phopeth yn awr ac yn y dyfodol, anghydraddoldeb cymdeithasol, a chyfrifoldeb a rennir.
Nod fy mhrosiectau celf pragmatig yw cysylltu â chymuned i ddod â haenau lluosog o brofiad at ei gilydd ac mae hyn yn amlygu ei hun yn fy ngwaith - geiriau, llun, gwrthrychau, ffilmiau, sain ac ati.
Trwy’r ‘wybodaeth ofodol’ hon rwy’n anelu at ddarparu darnau sgwrsio.
Rwy'n eich gwahodd i ddod i mewn, cymryd sedd ac ymlacio. Hyd yn oed cael gorwedd i lawr. A gwrando ar swn dy anadl dy hun
Mwynhewch.
SAFLE CELF
ARBROFOL
Ashley Cooke
22/07/23 - 02/09/23
Mae 'ARBROFOL' yn dod â pheintio a cherddoriaeth newydd gan yr artist gweledol a'r gitarydd byrfyfyr Ash Cooke ynghyd i gyflwyno profiad synhwyraidd mewn gofod lliwgar sy'n delio'n ddychmygus â'r ffordd y mae pobl yn darganfod ac yn ymgysylltu â chelf weledol haniaethol a cherddoriaeth arbrofol. Mae'r lluniau yn yr arddangosfa wedi'u henwi ar ôl mynyddoedd Dyffryn Ogwen. Er nad yw'r delweddau eu hunain yn ddarluniau uniongyrchol o dirluniau, maent yn adleisiau yn fwy mewnol o'r man lle mae Ash yn byw.
Y Wal
Machlud i’r Wawr
Llinos Owen
07/07/23 – 28/08/23
Mae Llinos Owen yn artist tecstiliau celfyddyd cain yn wreiddiol o Ogledd Cymru on nawr yn byw a gweithio yn Llundain. Symudodd yr artist i Lundain yn 2017 i astydio Celfyddyd Gain: Peintio yn Ngholeg Celf Wimbledon (UAL). Ers graddio yn 2020, mae Llinos wedi datblygu ei hymarfer celf i fod yn seiliedig ar decstiliau ac wedi arddangos ei thapestriau gwaedog mewn gwahanol arddangosfeydd ogwmpas yr Deurnas Unedig ac Ewrop. Mae gwaith yr artist wedi cael ei arddangos yn y Saatchi Gallery yn Llundain yn sioe “Synthesis” gyda Delphian Gallery, yn arddangosfa “Let’s Talk About Textiles” yn y Other Art Fair 2022, yn ogystal â’i harddangosfa unawd cyntaf or enw “Thank Your Lucky Stars” yn Orleans House Gallery yn 2021. Yn ddiweddar, enwyd Llinos Owen fel un o “Rising Stars of 2022” gan Saatchi Art wrth iddi barhau i weithio yn ei stiwdio yn Llundain, gan greu tapestriau wedi ei hysbrydoli gan peintio gyda’i deunyddiau tescstiliau.
SAFLE CELF
Anfarwolion
Ruth Jên Evans
03/06/23 - 15/07/23
Gwneuthurwraig brintiau sefydledig yw Ruth Jên sydd wedi arddangos yn helaeth yma yng Nghymru a thros y dwr. Yn gweithio o’i chartref yn Nhalybont ger Aberystwyth mae Ruth yn artist amlgyfrwng sy’n defnyddio amrywiaeth o brosesau argraffu.
Safle Creu / Y wal / Derbynfa
Gwahoddiadau Utopias Bach
03/06/23 - 05/07/23
Cydweithfa greadigol o ogledd Cymru ydi Utopias Bach, gyda chysylltiadau ledled y byd.
Ers cyfnod clo 2020, rydyn ni wedi bod yn ceisio darganfod ‘Beth ydi Utopias Bach, y pethau bychain sydd mewn un ffordd neu’r llall yn helpu i greu lle gwell ar gyfer pobl o bob math (dynol a mwy-na-dynol), yn enwedig y rheini sydd wedi eu heffeithio’n wael gan gyflwr y byd sydd ohoni?’ Trwy ail-feddwl ‘Utopia’ fel rhywbeth wedi’i wreiddio mewn lle, rydyn ni wedi bod yn cydweithio’n greadigol i archwilio chwyldroadau ar raddfa fach, gan greu newid cadarnhaol yn ein cymdeithas ac wedi’i ffocysu ar raddfa lle mae’n bosib i ni gael dylanwad.
Y Ffram
Rachael Smith
Growing Pains
25/04/23 – Gorffenaf 2023
Mae Growing Pains yn portreadu fy nhaith barhaus o gyn-artist trapîs, i artist anabl. Fe wnaeth fy mhrofiadau o anabledd fy ngadael i deimlo fel fy mod yn hongian, yn anghyfforddus ac ar wahân. Er yn gwthio cyfyngiadau, yn y pen draw mae wedi fy ysgogi i fabwysiadu perspectifau gwahanol. Mae'r profiad yma’n cael ei ddarlunio gan y cerfluniau ffigurol sydd yn hongian wyneb i waered er mwyn adlewyrchu y brwydro a’r dryswch a brofir gan gynifer ohonom. Rwyf wedi profi heriau o'r fath, gall y rhain ddyfnhau ein dealltwriaeth o fywyd, ein hunain a thanio angerdd ynom. Rwy'n gobeithio uniaethu ag eraill a’u hysbrydoli, nad yw bywyd yn gorffen gyda diagnosis neu unigedd, ond yn hytrach yn trawsnewid. Mae gwead amrwd y corff cerameg, ynghyd â chynildeb breichiau coll y ffigurau yn cynrychioli “anabledd anweledig” na welir yn aml ar yr olwg gyntaf, ond gyda mwy o graffu maent yn dod i’r amlwg, gan ddangos mai persbectif yn unig yw perffeithrwydd. Ar ben y ffigwr mae blodyn newydd yn agor, gan roi ymdeimlad o flodeuo, yn llawn angerdd, yn cydnabod rhyfeddodau a harddwch newydd yn y byd.
SAFLE CELF
Cyfoes Menai Contemporary
22.04.23 – 27.05.23
Gwaith gan fyfyrwyr ail flwyddyn o'r cyrsiau BA Celfyddyd Gain a Gradd Sylfaen (FdA) Celf a Dylunio.
SAFLE CREU
Preswyliad ac Arddangosfa T R O I I I <
17/04/23 - 28/05/23
Grŵp celf cydweithredol a ffurfiwyd yn 2021 gan yr artistiaid Rita Ann, Brian Baker ac Anthony Ynohtna.
Ffurfiwyd TROIII<A drwy ddiddordebau cilyddol a phrofiadau a rennir, a sylweddolwyd yn ystod eu hastudiaethau ym Mhrifysgol Glyndŵr, Wrecsam.
Mae TROIII<A yn gweithio'n unigol ac ar y cyd mewn cyfryngau a ffurfiau eang. Trwy ymagwedd amlddisgyblaethol at gelf gyfoes, mae TROIII<A yn creu gwaith wedi'i ybsbrydoli a'i ddylanwadu'n fawr gan y berthynas rhwng iechyd meddwl, lles ac ymarferion celf.
Mae pob artist yn dod â'u profiadau, eu dulliau a'u saffbwyntiau unigol i themâu o'r fath, gan greu gweithiau hynod o bersonol ond hygyrch.
Mae Bylchu’n brosiect lle mae’r artistiaid yn bwriadu pontio ar draws deuaidd fel iselder a lles, symudiad a llonyddwch, materoldeb ac ysbrydolrwydd, meddwl a chorff. Maent yn defnyddio arfer cydweithio i archwilio defnyddiau a ffurfiau, gan gynrychioli eu profiadau ond hefyd yn cynnig naratifau newydd a gofodau ar gyfer myfyrio ar y cyd.
Y WAL
Kerry Baldry
Personal Codes and Unknown Worlds
21/04/23 - 29/05/23
Kerry Baldry is a multi-disciplinary artist. The paintings showing on Y Wal have been inspired by the landscape around her studio in Nantlle, North Wales.
She is interested in the process of painting, the way different colours and marks have the ability to convey emotions. She paints, removes, scrapes away multiple layers, adding paint and continually reworking. This process allows her to combine both control and spontaneity to convey intense inner landscapes through the act of improvisation and intuition, juxtaposing colour and texture into a wide variety of forms and emotional energy.
Oriel Caffi
Gwen Owen
07/03/23 – 15/05/23
Dod o hyd i gemau cudd
I mi, mae’r dirwedd yn ddeniadol ac yn ysbrydoledig; mae'n newid ar bob eiliad, tymheredd, gwynt, lliw golau, gwead, natur a sain. Yma rwy'n dod o hyd i egni yn gorfforol ac yn feddyliol. Yn ystod y pandemig, roeddwn yn gwerthfawrogi fy nhirwedd mwy fyth ac yn cyfrif fy hun yn ffodus fy mod wedi gallu dianc yn aml am dro ar hyd hen drac rheilffordd sy'n rhedeg trwy goed a thir fferm. Daw fy nghorff o weithiau o'r lle creadigol enaid hwn. Nid ydynt yn ymwneud â pherffeithrwydd, cymhariaeth, neu ofn ond un o hunan-ddarganfyddiad. Maent yn ymwneud ag arbrofi, chwarae, gwneud marciau ystumiol, mynd gyda'r llif, dwyn atgofion, arsylwadau a dal eiliadau a thamaid o amser.
Arddangosfa Gwobr Gelf 2022-23 ‘Aildanio’
03/03/23 - 08/04/23
Bydd ‘Aildanio’, yr arddangosfa Gwobr Gelf Celfyddydau Anabledd Cymru (CAC) yn teithio’n genedlaethol ar draws chwe oriel yng Nghymru.
Mae’r arddangosfa, a ariannir gan Gyngor Celfyddydau Cymru yn cynnwys 26 o weithiau celf gan artistiaid anabl wedi’i lleoli yng Nghymru, dewisir o dros 100 o gyflwyniadau i ymatebion creadigol i foment ‘aildanio’.
Mae CAC, sefydliad cenedlaethol celfyddydau anabledd yn dathlu 40 mlynedd o hyrwyddo cydraddoldeb i bobl anabl a Byddar yn y celfyddydau.
Bydd capsiynau, BSLI a disgrifiadau sain ar gael.
Siop Cywrain
Adel Kay, Ann Catrin Evans, Crefftarian, EllyMental, Julie Mellor & Osian Efnisien
Gemwaith a’r Broses
22/09/22 - 28/01/23
Mae Galeri yn dod a chasgliad cyfoethog o waith 6 gwneuthurwr gemwaith ynghyd, gan arddangos eu creadigrwydd a'r broses unigryw o greu'r gemwaith. Mae'r arddangosfa yma yn archwilio'r berthynas sydd gan yr artistiaid â'u proses o greu a hefyd yn rhoi cipolwg ar eu hymarfer trwy eu brasluniau a lluniau ysbrydoledig, hoffer a’u harbrofion. Archwiliwch feddyliau'r artistiaid a dathlwch sgiliau, creadigrwydd a chrefftwaith y gemwaith anhygoel yma.
Arddangosfa Agored 2022
Mae’r arddangosfa Agored yn cynnwys dros 60 o weithiau celf gan artistiaid ardraws Gymru a’r DU. Mae'r arddangosfa'n dathlu ystod eang o beintio, lluniadu, print, ffotograffiaeth, tecstilau, cerflunwaith a ffilm.
Ymhlith y beirniaid eleni roedd yr artist Catrin Williams, y Ffotograffydd Tim Williams, Cyfarwyddwr Creadigol Galeri Naomi Saunders a Chydlynydd Celf Galeri Ffion Evans.
Gwobr y beirniaid £1000 – Shauna Taylor
Canmoliaeth Uchel £400 – Anthony Ynohtna
Gwobr Dewis y Bobl £250 – Dewch i Galeri Caernarfon i bleidleisio dros eich hoff waith celf
Oriel Caffi
DocCymru: Prosiect Brexit
Rhodri Ellis-Jones, Glenn Edwards, Roger Tiley & Kristina Banholzer
Mae Doc Cymru yn brosiect cydweithredol cyffrous sy’n cynnwys pedwar ffotografydd profiadol sydd wedi dod ynghyd i ddogfennau’r effaith y bydd ‘Brexit’ yn cael ar Gymru. Cip-olwg ar storiau a diwydiannau difyr. Sgwni be ddigwyddith yn y blynyddoedd i ddod? Llunia i ddangos i’r bobl y gwir effaith. Dyma gwaith y ffotograffwyr hyd yn hyn, mae’r brosiect yma yn cael ei gwblhau erbyn 2024 lle bydd arddangosfa yn Ganolfan y Celfyddydau Aberystwyth, yn ogystal a lleoliadau eraill.
Safle Celf
Buddug Humphreys
Hyfrydle
28/10/22 – 26/11/22
Mae gwaith Buddug yn yr arddangosfa yn ffrwyth ei chrwydro drwy sawl ardal yng Nghymru ac mae’n adlewyrchiad o’r hyn y mae’n ei deimlo am nifer o’i hoff leoedd a’i hoff olygfeydd.
Y Wal
Katherine Fiona Jones
Gwagle
12.10.22 – 21.11.22
Yn y llefydd rhwng iaith, phan dyni’n theimlon galar arol colliad, yr unig beth sydd geno ni yw ein corffau ac amser. Mae Gwagle’n cheisio siarad iaith galar, yn ddefnyddio haniaeth a ystym automatic I creu theimlad o cyfyngder a hedd.
Safle Creu
Dottie-may Aston & Jonathan Retallick
Antagonym
15.10.22 – 19.11.22
Antagonym - Lle mae dau gyferbyniad yn cydfodoli. Mae’r arddangosfa hon yn archwilio uno’r llinell rhwng ffigurol a haniaethol ac uno’r cyflwr breuddwydiol y mae gwaith Jonathan Retallick a Dottie-may Aston yn myfyrio arno. Mae canolbwynt y sioe Antagonym yn gydweithrediad cerfluniol rhwng y ddau artist. Wedi'i wneud ar y safle am dair wythnos cafodd Antagonym ei drin fel cyfle i hybu creadigrwydd a chynefindra â'r cyfryngau.
Safle Celf
Paul Eastwood
Lleferydd Llenedig
10/09/22 - 15/10/22
Yn Lleferydd Llenedig, mae Paul Eastwood yn arddangos cyfres newydd o dapestrïau sy'n dwyn i gof adfeilion pensaernïaeth ddychmygol. Mae blociau carreg cofebol wedi'u dadosod yn cael eu hailstocio i ffurfio patrymau newydd. Mae rhai yn dangos darnau o arysgrifau Cymraeg. Mae eu harwynebau hindreuliedig yn cystadlu am sylw gan eiddew yn ymledu.
Safle Creu
Residency
Jonathan & Dottie-may
Antagonym
21/09/22 - 08/10/22
Antagonym is a three-week collaborative residency between Dottie-may Aston and Jonathan Retallick. Antagonyms are words with two opposite meanings. The couple feel this accurately describes this project as they approach it from opposing creative perspectives. Their opposing figurative and abstract practices have been brought together to challenge both artists to create work powered by their own inspirations. It’s a synergy of ideas as well as an invitation to showcase their creativity and actively engage with visitors. The duo wishes to start that creative conversation while working intuitively together for the first time on a sculpture.
Y Wal
Denise Laura Baker
Gweithredoedd, Nid Geiriau
31/08/22 - 10/10/22
Denise Laura Baker is an award-winning photojournalist and documentary photographer focusing on environmental and social issues, climate change, activism, and community. Her photographic and creative work draws on influences from her career as a visual artist, and her previous qualitative psychology career where she interviewed and collected the stories of the people with whom she worked. She continues to collect and tell stories though her photography, matching them with recorded or written dialogue and so empowering those with whom she collaborates.
Safle Celf
Leigh Sinclair + Marian Haf
Y Llanw Distaw
11/06/22 – 23/07/22
Mae'r arfordir i lawer yn lleoliad i archwilio ac i ddianc. Gyda hyn mewn golwg mae Leigh Sinclair a Marian Haf wedi defnyddio glan y môr fel cymorth i wthio harferion nhw mewn ffyrdd cydweithredol chwareus.
Mae'r proses arbrofi wedi bod yn sail i'r curadu yn ogystal â chwblhau'r gwaith. Darparodd Galeri'r rhyddid iddynt i dorri'n rhydd o 'hongian' arferol, traddodiadol. Gan ganiatau Leigh a Marian i ddod ag elfen o'r chwareusrwydd, i'w fwynhau gan ymwelwyr yn yr un goleuni
Y Wal
Andrew Smith
01/06/22 – 18/07/22
Fy nod cyffredinol yw dadadeiladu’n barhaus y dull presennol er mwyn creu iaith beintio haniaethol sy’n cwmpasu’r syniad o ‘dirlun’. Yn ystod cyfnodau preswyl byr neu rai hwy mae amser i gymathu'r amgylchoedd a'r cyd-destun, felly mae'r gwaith o reidrwydd yn newid ac yn esblygu yn dibynnu ar y lle; mae'r dull yn archwilio ffisiognomi lleoliad.
- New Category
Safle Celf
Cofis Dre & Co
XVII
30.04.22 – 04.06.22
Ann Lawrence, Chris Upmalis, Ellie Hennessey, Gisselle Mayorga, Julian O'Dwyer, Kar Rowson, Lisa Ann Williams, Lucy Ann Jones, Meg Jôs, Morgan Wyn, Petra Goetz, Rhiannon Fograty-Wilkinson, Shauna Taylor, Shirley Fahy, Tara Louise, Zack Robinson
Mae ‘Cofis Dre & Co’ yn arddangosfa sy’n cyflwyno 16 myfyriwr cwrs gradd Celfyddydau Cain Coleg Menai ac yn rhoi cyfle iddynt archwilio themâu, syniadau a diddordebau creadigol personol drwy amrywiaeth o ddisgyblaethau, gan gynnwys: darlunio, peintio, cerflunio, gwaith argraffu a gweithgaredd aml-gyfryngol.
Cywrain
Siop Pop-up Codi’r Bar
08/04/22 – 11/06/22
Mae Codi’r Bar yn gynllun ar gyfer pobl ifanc 16 - 24 sydd eisiau datblgyu eu sgiliau Celf gweledol. Mae’n cynnwys cymysgedd o weithdai celfyddydol creadigol a Hyfforddiant proffesiynol gyda’r bwriad o baratoi ein pobl ifanc ar gyfer gyrfa yn y byd creadigol. Drwy weithio gyda artistiaid lleol Heledd Owen a Menai Rowlands oedd y pobl ifanc yn cael eu cefnogi i ddylunio a chreu nwyddau all gael eu gwerthu. Gweithdai creadigol i ddysgu a datblygu sgiliau celfyddydol ac yn derbyn hyfforddiant ar ddylunio, creu, marchnata a brandio.
Pobol ifanc creadigol yn y Siop pop-up yw Gwyndy, Lacey, Lili, Mia, Skliee, twmw, Mabon a Ithel
Mae’r prosiect hwn yn cael ei weinyddu drwy Galeri Caernarfon ar y cyd gyda Oriel Môn. Mae’r cynllun ar gael ar gyfer pobl ifanc Gwynedd a Môn sydd yn gymwys. Arianwyd y prosiect gan Galeri Caernarfon, Cyngor Sir Ynys Môn a Chyngor Celfyddydau Cymru.
Y Wal
Derek Crawford
Plastigrwydd
20/04/22 – 30/05/22
Crëwyd y delweddau hyn i ddechrau fel ffotogramau, proses ystafell dywyll syml lle mae'r testunau'n cael eu gosod yn uniongyrchol ar bapurau ffotograffig, yn agored i olau wedi'i daflunio o helaethwr, ac yna'n cael ei brosesu mewn ffotocemeg lliw safonol. Cafodd y printiau a ddeilliodd o hynny eu sganio’n ddetholus ar gydraniad uchel a’u helaethu’n ddigidol, i’w cyflwyno fel printiau inkjet pigment archifol ar raddfa oriel.
Safle Celf
Cysur
Haf Weighton
12/03/22 – 23/04/22
Tua amser y pandemig dechreuodd pobl edrych o'u cwmpas a myfyrio ar eu hamgylchedd domestig mewn ffordd wahanol. Mae Haf Weighton yn fwy adnabyddus am ei ffasadau o adeiladau gan ddefnyddio ei phrint, paent a phwyth. Ond ar gyfer yr arddangosfa unigol hon yn Galeri mae hi wedi edrych ar fywyd y tu ôl i'r drysau.
Y Wal
Be sydd ar dy feddwl?Menai Rowlands
02/03/22 – 18/04/22
Mae’r gwaith yn archwilio themâu hunaniaeth a maddeuant ein canfyddiadau unigol o’r byd o’n cwmpas. Mae’n hyfryd rwan dychwelyd a myfyrio ar y darluniau cyntaf hyn, ac yn rhyfedd o ryfedd gweld sut mae gweithredoedd a syniadau bach yn tyfu ac yn datblygu ac yn cysylltu dros amser. Maent hefyd yn archwilio'r syniad bod ein hunaniaeth wedi'i seilio ar atgofion, sy'n aml yn cael eu gwyrdroi a'u trin. Ond trwy greadigrwydd a chyfathrebu gallwn ddod o hyd i dir cyffredin o gysylltiad ac empathi tuag at ein gilydd.
Safle CREU
INC
Anthony Harrison, Connor Williams, Courtnie Savannah, Hari Cennin Roberts, Kev Curtis, Kirsty Reid, Nika Petelinek, Sophie Beddow, Thomas Jones
gan Picsil8
Picsil8 yw cydweithfa ffotograffiaeth sy’n canolbwyntio ar syniadau mynegiant unigol. Mae’r grŵp yn cynnwys nifer o ddisgyblaethau o sgiliau ystafell dywyll a ffilm draddodiadol i dechnolegau digidol arloesol sy’n seiliedig ar lens.
Cywrain
PWYTH
Llio James, Lowri Drakley, Anna Pritchard, Samantha Jones
05/02/22 – 31/03/22
Mae PWYTH yn ddathlu 4 artist tecstiliau o Gymru sydd yn gweithio gyda technegau traddodiadol ond yn creu blancedi cyfoes creadigol. Mae Anna Pritchard o Wynedd gyda gysylltiad dwfn â’r tir, wedi cael ei fagu ar fferm laeth a bod yn un o’r teulu ffermio hynaf sy’n dal i fyw yn Nyffryn Ogwen. Mae hyn yn dylanwadu'n aruthrol ar dyluniadau ei ffabrigau. Gwelir ei angerdd am liwiau, patrymau a gweadau yn ei gwyltiau. Mae’r syniad o barhau â thraddodiadau hynafol y melinau gwlân Cymreig, gwehyddu a gwau yn bwysig i ddi. Daw ysbrydoliaeth i’r gwaith arbennig Llio James o’r tirlun morol o cwmpas Llio; ymchwilio lliw a phatrwm banneri morwrol, ynghyd ag astudio yr hen batrymau gwehyddu o’n brethynnau traddodiadol. Daw’r gwaith yn ddwfn o cefndir a hanes Llio ac o darddiad y diwydiant gwlan a’i waddol i ni heddiw. Mae Lowri Drakley o Ynys Mon yn wneuthurwr cwiltiau ac arlunydd cyfoes yn defnyddio llifyn botanegol gyda’r cynhwysion a gasglwyd o amgylch ei chartref. Mae’n dilyn ei gweledigaeth ac yn ymateb i’w breuddwyd a’i hangen i ailgysylltu gyda’r byd naturiol, drwy fforio natur a darganfod ei hunaniaeth amgylcheddol. Gwneuthurwr cwiltiau yw Samantha Jones gan ddefnyddio dulliau traddodiadol i greu cwiltiau cyfoes. Mae Samantha yn credu’n gryf mewn gwneuthurwyr yn rhannu eu sgiliau ac mae ganddi ddiddordeb mawr mewn treftadaeth a’r hanes hirsefydlog o wneud cwiltiau yng Nghymru.
Safle Celf
Sarah Ryder
Traed. Ymennydd. Ac yn ôl eto.
25/01/22 – 05/03/22
Ers dros 20 mlynedd mae Ryder wedi gweithio gydag amrywiaeth o ddeunyddiau i arbrofi cysyniadau estynedig peintio, yn aml yn gwneud gweithiau 2D sy'n trawsnewid yn 3D. Wedi’u tanategu gan syniadau o amherffeithrwydd, amseroldeb, strwythur systemau, a chydbwysedd anhrefn a rheolaeth. Mae prosesau Ryder yn amrywio rhwng chwareus a myfyrgar – mae’r ddau gyflwr yn gyfartal ac yn ddibynnol ar y llall.
Y Wal
Mia Roberts
Nath hi gadael fi chwarae’r organ
20/01/22 – 28/02/22
Y bwriad o fewn gwaith Mia yw cyfuno llu o naratif personol ac arsylwi yn un cyfansoddiad. Mae hyn yn arwain at ddelwedd gyfun sydd yn y pen draw yn rhoi'r pŵer i'r gwyliwr ddiffinio'r hyn y mae'r darn dan sylw yn ei olygu iddyn nhw. Mae hefyd yn caniatáu rhyddhau profiadau personol yn isganfyddol o fewn y gwaith heb ddylanwadu ar arsylwyr sydd â thueddiadau ideolegol amlwg. Er bod yr arfer yn hynod bersonol, mae'n bwysig bod y gwyliwr yn llunio ei naratif a'i gasgliad ei hun wrth wylio.
Mae Mia yn artist traws-fenywaidd sy’n gweithio yn rhanbarth Gogledd Cymru ac mae ei gwaith yn ymwneud yn bennaf â micro-ddiwylliannau, brogarwch, prosiectau cymdeithasol, rhywioldeb, gwrywdod, iechyd meddwl a chaethiwed.
Safle CREU
LHBT+ GISDA X Galeri yn cyflwyno
Bydysawd Moesol
05/02/22 – 28/02/22
Artistiaid Gwadd:
Anthony Shapland
Eden Grant Dodd
Jasper Dawson clough
Katherine Fiona Jones
Lee green
Mia Roberts
MYTHSNTITS
Arddangosfa Agored 2021
04.12.21 - 15.01.22
noddir gan Gwyn a Mary Owen
Mae arddangosfa Agored blynyddol Galeri yn gyfle i unrhyw un – boed yn artist proffesiynol, myfyriwr neu sy’n creu celf fel diddordeb i ymgeisio i fod yn rhan o arddangosfa flynyddol yn Galeri.
Drwy garedigrwydd noddwyr y gystadleuaeth, Gwyn a Mary Owen, mae gwobrau ariannol hael ar gael:
£1,000 dewis y beirniaid
£400 cymeradwyaeth uchel
£250 dewis y bobl
Dethol gan: Alan Whitfield, Darren Hughes, Rebecca Hardy-Griffith a Naomi Saunders
Alys Gwynedd
Ashley Cooke
Booker Skelding
Carrie Francis
Carwyn Jones
Catrin Gwilym
Catrin Menai
Cerys Knighton
Chris Higson
Dane Briscoe
David Garner
Diana Williams
Dottie-may Aston
Ella Louise Jones
Gareth Berwyn
Jenny Murray
João Saramago
Laura Ducker
Leigh Sinclair
Lena Aires
Lesley James
Lora Gwyneth
Lowri Drakely
Lleucu Non
Llinos Owen
Llyr Evans
Manon Awst
Mared Parry
Marian Haf
Owain McGilvary
Paddy Faulker
Paul Vining
Phillip Jones
Raji Salan
Roger Lougher
Ruth Jen Evans
Rhys Aneurin
Sam Hayes
Tara Dean
Verity Pulford
Y WAL
Gwen Vaughan
Rhywbeth a Dim Byd
15/10/21 – 27/11/21
Arddangosfa newydd gan artist o Sir Fôn o baentiadau haniaethol. Mae un gyfres o waith celf Gwen yn archwilio democratiaeth y grid fel ffynhonnell ddigynnwrf, wrth chwarae gyda lliw a drysau. Mae grŵp arall yn defnyddio patrymau o wahanol feysydd - nodiant cerddoriaeth, geometreg, a phrosesau siawns.
Safle Celf
Nerys Jones
Dros Ben Llestri
23/10/21 – 27/11/21
Yn draddodiadol trwy decstilau roedd merched yn mynegi ei hunain trwy wnïo a gwneud brodwaith i greu pethau defnyddiol i’r cartref. Ond mae’r materion sy’n bwysig i ferched heddiw yn wahanol iawn i’n Neiniau. Mae gwaith celf Nerys yn ceisio edrych ar y materion yma trwy creu ymateb personol. Mae’r gwaith yn adlewyrchiad o magwriaeth Nerys yn cefn gwlad cymry ac hefyd y pethau bach ddibwys , neges siopa ar gefn amlen , y ffedog ar gefn drws ,dywediadau yn y gymraeg. Patrymau brethyn cymraeg a delweddau o celfi’r gegin.
Mae hiwmor i’r gwaith hefyd, mae Nerys yn creu darnau sydd ddim yn ddefnyddiol, er enghraifft y ffedogau sydd wedi eu gwneud o ffyrc siop chips a’r defnydd ironig or dywediad “ celf orau yn y byd: gwraig dda.“ Nid yw’r llieiniau bwrdd yn ymarferol, er enghraifft mae’r darn sydd wedi ei addurno gyda beads man yn dynwared marc wedi ei losgi gan haearn smwddio. Maen’t hefyd yn ceisio dynwared y syniad o “bottom drawer”, sef y casgliad o gelf a defnyddiau byddai merched yn eu casglu er mwyn paratoi at eu bywydau priodasol .
Dywedir fod pobl yn gwario llai na 6 eiliad yn edrych ar waith celf mewn arddangosfa. Mae y ffordd mae pobl yn edrych ac ymateb i’r gwaith yn bwysig i Nerys, eu bod yn sylwi ar y gwrthrychau cudd, yn darllen y dywediadau sydd wedi eu brodio ar y darnau ac yn gwerthfawrogi y gwaith sydd yn y pwythi llaw a pheiriant.
Instagram: @nerysjonescelf
Safle Celf
Lisa Carter Grist
Llyfr Ysgyfaint, Golygfeydd a Brasluniau
04.09.21 – 16.10.21
Cyfres o waith newydd ar gynfas a bwrdd a phaentiadau ar bapur gyda darnau dethol o destun. Mae paentiadau Lisa Carter Grist yn datgelu awgrymiadau o olygfeydd, gwylltlun ac emosiynau o fewn eu harwyneb haniaethol ymddangosiadol. Cydnabyddir cyfeiriadau cyfeiriol at dirweddau dychmygol, llwyfannau, fframiau ffenestri, ffigurau a gwrthrychau yn ystod y broses o baentio.
Y Wal
Rhi Moxon
Dragonfly Diaries
04.09.21 – 14.10.21
Casgliad o waith gan y darlunydd, artist graffig a gwneuthurwr print – Rhi Moxon.
rhimoxon.com
