I dderbyn gwybodaeth am ddigwyddiadau a chynyrchiadau’r dyfodol a chyfle i ennill gwobrau misol, yna cliciwch yma.
|
|
Fy Mhobl I
| |
:: Fy Mhobl I
|
Arddangosfa o waith gan Elen Bonner.
Mae Elen Bonner yn ymateb i ddiwylliant a chymuned y Gymru wledig gyfoes drwy ddefnyddio defodau’r diwylliant penodol hwn yn gyfrwng ar gyfer trafod ei hunaniaeth hi ei hunan a’r bobl o’i hamgylch. Mae Fy mhobl i yn gorff o waith a ysbrydolwyd gan y gweithiau llenyddol mwyaf adnabyddus sy’n ymdrin â’r diwylliant a’r gymuned arbennig hon.
Mae dyddiadur taith Geroge Borrow, Wild Wales, a gyhoeddwyd yn 1862, yn disgrifio tirwedd gwledig Cymru ac yn cyflwyno myfyrdodau’r llenor o Sais ynghylch “its people, language and scenery”. Y myfyrdodau hynny sydd wedi ysbrydoli ymchwiliadau’r artist, a chawn ninnau, drwy hynny, ein hannog i ailasesu ein canfyddiadau o’n hunaniaeth ddiwylliannol ein hunain wrth ddehongliadau Borrow gael eu hailosod o fewn cyfeiriadau cyfoes.
Brad y Llyfrau Gleision, R.J. Derfel 1854 yw’r teitl a roddwyd i ffilm o ddrama o’r enw Treachery of the Silly Assembly, a ysgrifennwyd gan yr artist ac a berfformiwyd ar lwyfan Neuadd Goffa Tregaron gan y Clwb Ffermwyr Ifainc lleol. Mae’r gwaith yn cyfeirio at y Llyfrau Gleision, sef adroddiad gwaradwyddus y comisiwn ymchwil i gyflwr addysg yng Nghymru, a gyhoeddwyd yn 1847. Mae’r gwaith yn archwilio’r ddealltwriaeth cymuned ohoni ei hunan ac yn cwestiynu’r modd y mae’n dewis cael ei phortreadu.
to turn the poster back into a t-shirt for continued use is offered by the paper tabs.
Pan gyhoeddwyd My People gan Caradoc Evans, yn 1915, cafwyd ymateb chwyrn yn erbyn ei bortread ef o gymunedau cefn gwlad gorllewin Cymru; llosgwyd ei lyfrau ac rhwystrwyd ei ddramâu rhag cael eu perfformio. Ar siaced lwch y llyfr, nodir fel a ganlyn: “the justification for the author’s realistic pictures of peasant life, as he knows it, is the obvious sincerity of his aim, which is to portray that he may make ashamed”. Mae’r sloganau sydd wedi’u hargraffu ar y crysau T yn yr arddangosfa wedi’u cymryd oddi ar gefnau crysau T ffermwyr ifanc ‘ar daith’. Drwy arddangos y sloganau fel posteri, daw ffermwyr ifanc wyneb yn wyneb â’u disgrifiadau ohonynt eu hunain. Gellid defnyddio’r tabiau papur i droi’r posteri yn ôl yn grysau T.
Drwy edrych ar ddehongliadau hanesyddol o’r gymuned hon, mae’r artist yn cwestiynu pwy sydd fwyaf dylanwadol wrth bennu’r modd y caiff diwylliant ei amgyffred; ai’r gymuned ei hunan sy’n gyfrifol am ddiffinio’i hunaniaeth ddiwylliannol, ynteu ai syniadau’r byd allanol sy’n cael y dylanwad mwyaf ar y ddealltwriaeth o gymuned benodol? Mae’r artist yn amlwg yn falch o’r diwylliant ar gymuned hon, ond tybed a yw hithau hefyd yn euog, mewn rhyw ffordd, o deipgastio’r gymuned hon yn ddiwylliannol wrth gyflwyno ei sylwadau hi ar hunaniaeth Fy mhobl i?
Gwener, 12 Mawrth (6.30pm) – Sadwrn, 27 Mawrth
|
|
|
|
Swydd : Technegydd Theatr
19 Mawrth, 2010
|
|
Ymlaen a'r Sioe!
14 Mawrth, 2010
|
|
Swyddfa ar osod - Uned 5
23 Chwefror, 2010
|
|
Safle Celf : arddangosfa newydd
20 Ionawr, 2010
|
|
Ymunwch â Chyfeillion Galeri
14 Ionawr, 2010
|
|
Gwasanaethau Rheolaeth Eiddo a Phrosiect
13 Ionawr, 2010
|
|
Ship-Shape
07 Awst, 2009
|
|
BWYDLEN NEWYDD DOC
06 Awst, 2009
|
|
Galeri yn cipio’r dwbwl yng Ngŵyl Ffilm Zoom 2009!
29 Ionawr, 2009
|
|
Gwobr Cyflawniad Cymru 2008
12 Rhagfyr, 2008
|
|
Galeri yn ennill Gwobr Busnes a Chynaladwyedd Cymru
03 Tachwedd, 2008
|
|
Galeri yn cael ei gyhoeddi'n Gwmni Disglair
24 Gorffennaf, 2008
|
|